അമ്മേ നിന്നുടെ ചിന്തകളില്‍ ഞാന്‍
അറിയുന്നു ഈ സുന്ദര ലോകം .
നിന്നാല്‍ അറിഞ്ഞ ലോകം കാണാന്‍
കൊതിയോടെ ഞാന്‍ കാത്തീടുന്നു.
തോളില്‍ ഉറക്കി വാവോ പാടാന്‍
ഒത്തിരി ഒത്തിരി ഉമ്മകള്‍ നല്‍കാന്‍
കാത്തിരിക്കും ചേച്ചി അമ്മയ്ക്കായ്
അമ്മ പറഞ്ഞാ പൂവുകള്‍ കാണാന്‍
നന്മ നിറഞ്ഞ മുഖങ്ങള്‍ കാണാന്‍
ചാച്ചന്‍ വാങ്ങിയ പാവകള്‍ കാണാന്‍
പൂവ് നിറഞ്ഞാ പൂച്ചെടി കാണാന്‍
അന്ന് പറഞ്ഞാ നീലാകാശം കാണാന്‍
ചേച്ചി നനഞ്ഞാല്‍ ചീത്ത വിളിക്കണ
ചന്നം പിന്നം മഴയെ കാണാന്‍
ചാച്ചന്‍ തന്നുടെ തലോടല്‍ ഏല്‍ക്കാന്‍
അമ്മേ നിന്നുടെ സുന്ദര വദനം കാണാന്‍
കൊതിയോടെ ഞാന്‍ കാത്തിടുന്നു.
